نصیحت!
                د نړۍ د رښتیا ژوند نه ځان خبر کړه
                                          لږخلاص دواړه غوږونه اوبصرکړه
           شپه اوورځ کتاب ته کینه پوهه زده کړه
                                          هم ته پخپله  زړه  پاچاهوښیار افسر کړه
          کاروبارکړه په دنیاکې څوژوندی يې
                                           لږپه ځان اوتل په بل باندې نظر کړه
          جهالت پریږده ،توره شپه ده په دنیا کې
                                       دخدای په عدل باندې هروختې باورکړه
           زیارزحمت باندې داټول جهان رڼا کړه
                                       په نړۍ کې شپه برات ،ورځ داخترکړه
          بد بیني ،د ښمني ورکه کړه د نیا  کې
                                     سوله غواړه،هغه ځان ته خپل زیور کړه
            څه به وکړې په دنیا کې داڅو ورځې
                                    راشه خلاص دجنګ له شره ټول بشرکړه               
           هر ځای ګورمه وراني ،آبادي نه شته
                                       په آبادۍ پسې روان هرځای لښکر کړه
            که دنیا ځان ته توخه دقیامت بولې
                                       په دنیا انسانان خلاص له هریوشرکړه    
              هغه څوک چې سمه لاره باندې نه ځي
                                        ټول مخلوق دسمې لارې نه خبر کړه
            په تخت ناست يې لږ راپاڅه ګلسیریه!
                                        دنړۍ په خوارو زارو هم ګذ ر کړه
                    استاد ګلسیری شینواری ۲۰- ۴- ۹۶